Kigali: Umugore n’umugabo bishwe na COVID-19, abanduye bashya ni 9

Minisiteri y’Ubuzima yatangaje ko abantu babiri bahitanywe na COVID-19, abahitanywe n’icyorezo bamaze kuba 29.

Itangazo rigeza ku Baturarwanda amakuru mashya kuri COVID-19 rivuga ko iyi ndwara yishe umugore n’umugabo bari mu kigero k’imyaka 46 na 44 y’amavuko.

Abo COVID-19 imaze kwica mu Rwanda bose babaye 29.

Mu masaha 24 abagaragaweho ubwandu bashya ni 9 barimo Kigali (5), Nyamagabe (2) na Nyagatare (2). Abanduye bose hamwe kuva icyorezo cyagera mu Rwanda muri Werurwe 2020, bagera ku 4 798.

Abanduye COVID-19 bakavurwa bagakira ni bose 3080 barimo 30 bakize mu masaha 24 ashize. Abakirwaye COVID-19 ni 1689.